Tegnologie gesoek vir veiliger plase

Die TLU SA is tans besig om ‘n opname te doen oor produkte wat eerstens vroeë waarskuwing op plase daarstel ten opsigte van veiligheid, maar wat ook andersins ‘n bydrae kan maak wat boere kan oorweeg om hulself, hul werkers en hulle besittings te beskerm.

“Die misdaadaanslag wat ervaar word op plase strek baie wyd.  Buiten die onaanvaarbare hoë plaasaanvalle, en daarmee saam die moorde wat gereeld in die media rapporteer word, is boere onderhewig aan verskeie ander onaanvaarbare misdaad wat gepleeg word.  Hier kan onder andere  gedink word aan veediefstal en ander produkte, diefstal van toerusting, gereedskap en insetmiddele, betreding, brandstigting en onregmatige besettings,” het die TLU SA in ‘n persverklaring gesê.

Die unie het gesê dat verskeie instansies van tyd tot tyd die TLU SA nader met verskillende produkte wat aangewend kan word om sodanige misdaadaanslag die hoof te bied, sommige as vroeë waarskuwing, terwyl ander dit probeer verhoed.

Instansies wat reken hulle het ‘n produk wat oorweeg behoort te word, word versoek om besonderhede daarvan oor spesifiek die aanwending en werking en ook die prys vir TLU SA aan te stuur.  Hierdie produkte sal per kategorie tot die beskikking van boere gestel word vir oorweging om beter na hul eie veiligheid om te sien. Besonderhede kan gestuur word na [email protected]

News - Date: 27 April 2017

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Email: [email protected]