Search for a story:

Brug-na-Berg-uitdaag lê om die draai

Sport - Date: 15 April 2017

Written by: Anton van Zyl / Viewed: 890

 

Fietsryers wat wil deelneem aan die Brug-na-Berg-rit op Saterdag, 6 Mei, moet van hulle laat hoor en inskakel by een van die groepe.

Die Brug-na-Berg-rit is ‘n bewusmakingsveldtog waartydens groepe fietsryers van regoor die land die pad vanaf Beitbrug tot Kaapstad aandurf. Die fietsryers hoef gelukkig nie die hele 2 200 kilometer te voltooi nie.

Sowat twee dosyn groepe sal die oggend om 07:00 by verskillende dorpe en stede wegspring en sodoende gesamentlik die roete voltooi. In die Soutpansberg-streek spring ‘n groep by Beitbrug weg en ry tot in Louis Trichardt. ‘n Tweede groep spring in Louis Trichardt weg en ry tot in Polokwane.

Die Brug-na-Berg inisiatief is die breinkind van die 75-jarige Oom Jakkie van der Colff van Pretoria. Inwoners van die Soutpansberg sal hom onthou toe hy sowat ‘n jaar gelede per fiets deur die streek gereis het. Hy het ‘n “Suiderkruis”-toer onderneem wat hom van die noorde tot die suide van die land geneem het en weer van die weste na die ooste.

Volgens Oom Jakkie is die doel van die projek om die veiligheid van fietsryers te bevorder. Hy sal ook graag fietsry wil bevorder, omdat dit soveel voordele inhou. “Elke groep of fietsryklub wat deelneem, tref hul eie reëlings. Dit is ook elkeen se keuse oor hoe ver hulle ry. Die enigste vereiste is dat die volle afstand van elke skof gery moet word. Hierdie dag is vir almal om te geniet,” sê Oom Jakkie.

Op die dag van die fietsrit gaan Oom Jakkie by die ateljee van Pretoria FM wees en die verskillende groep sal geskakel word om te hoor hoe dit gaan.

Plaaslike fietsryers wat belangstel om deel te hê aan die projek kan Stanley Thompson van die Soutpansberg Fietsryklub skakel by 015 516 1338, of vir Mark Archer (083 324 8495) of Anton van Zyl (084 616 4997). In Musina kan Wendy Campbell by 082 457 3101 geskakel word.

Meer inligting oor die projek is ook beskikbaar op Facebook, by https://www.facebook.com/Brug-Na-Berg-254183118343224/. (Soek op Facebook vir Brug na Berg.)

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

Die Brug-na-berg logo.

 

 
 

Anton van Zyl

Anton van Zyl has been with the Zoutpansberger and Limpopo Mirror for over 27 years. He graduated at the the Rand Afrikaans University (now University of Johannesburg) and obtained a BA Communications degree. He is a founder member of the Association of Independent Publishers.

Email: anton@zoutnet.co.za

Recent Articles

sport, fietsry, brug-na-berg-rit