Search for a story:

Podiumplekke vir Triegie meisies

Sport - Date: 18 July 2019

Written by:  / Viewed: 326

 

Hoërskool Louis Trichardt het hul rekening geopen in die jaarlikse Spur XCO-skoleliga met die eerste ligabepaling, die Tour de Maroela, wat Saterdag op Lephalale beslis is.

Veral die skool se meisies het beïndruk deur verskeie podiumplekke te behaal.

Christelle Coetzer het die junior meisiesafdeling gewen, met spanmaat Karla “Vossie” van Zyl in die derde plek. Die skool se Jennavieve Truter was vierde in dié kategorie. Wat die junior seuns betref, het twee Triegies Top 10 plekke losgery, met Calvin Lee in die vyfde plek en Rohan Cronjé in die sewende plek.

Ook in die afdeling vir Youth meisies spog Louis Trichardt met nog ‘n podiumplek, met Eliz-Mari Pretorius wat algeheel tweede geëindig het. Top 10 plekke is ook in dié afdeling losgery deur spanmaats Michelle Steyn (sewende) en Danelle Venter (agtste). Nog ‘n Triegie-ryer wat die afgelope naweek daarin kon slaag om ‘n Top 10 posisie los te ry, was Mieke Veldman, wat vierde geëindig het in die sub-junior meisiesafdeling.

Alhoewel nie ‘n leerling van Hoërskool Louis Trichardt nie, het nog ‘n jong plaaslike ryertjie, Andani Raphalalani van Ridgeway College, indruk gemaak. Hy het algeheel tweede in die sub-junior seuns-afdeling geëindig.

Die fietsryers se volgende uitdaging is die Tour de Polokwane wat op 27 Julie beslis sal word. Vir volledige uitslae oor die Tour de Maroela, besoek https://www.webscorer.com/race?raceid=187916.

 

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

 

 
 

Email:

Recent Articles