Search for a story:

Oud en jonk neem deel aan Brug-na-Berg fietsrit

Sport - Date: 09 May 2019

Written by:  / Viewed: 1045

 

Die derde jaarlikse Brug-na-Berg fietsrit het Saterdag plaasgevind en spanne van Musina en Louis Trichardt het die plaaslike skofte voltooi.

Tydens dié rit poog spanne fietsryers van regoor die land om die roete vanaf Beitbrug tot in Kaapstad in een dag te voltooi. Spanne het om 07:00 weggespring en elk het ‘n spesifieke deel van die roete voltooi.

Die groep wat by Beitbrug weggespring het, het drie fietsryers van Musina en 11 van Louis Trichardt ingesluit. Op Louis Trichardt het vyf fietsryers weggespring en hulle het die skof tot op Polokwane voltooi. Hierdie groep het ook vanjaar se oudste deelnemer, Wim Botha (76), ingesluit.

Die Brug-na-Berg fietsrit is die breinkind van oom Jakkie van der Colff van Pretoria. Hy het ‘n klompie jare gelede die land deurkruis op sy fiets en die idee het ontstaan om so ‘n een-dag-rit te reël wat vanaf die noorde tot die suide van die land strek. Die rit word dan gebruik om mense bewus te maak van die voordele van fietsry, asook die gevare daaraan verbonde en wat motoriste kan doen om fietsry veiliger te maak.

Die rit is ‘n inisiatief wat staatmaak op vrywilligers en word nie deur ‘n spesifieke liggaam beheer nie. Daar is ook geen inskrywingsfooie, registrasiegeld of enige pryse nie.

Die Brug-na-Berg rit het vanjaar weer jonk en oud betrek. Die jongste deelnemertjie was die vierjarige Altus, wat saam met sy ma ‘n deel van die roete tussen Vosburg en Carnarvon voltooi het. Die oudste deelnemer was Wim Botha (76) van Louis Trichardt wat meer as 100km getrap het tot op Polokwane.

 

0 Comments

To leave a comment you need to login / register first

Readers are encouraged to comment on articles and express their opinion. The views expressed by readers should in no way be perceived as necessarily that of the newspaper or its staff members. Comments may be pre-moderated by our team and if found offensive, be removed.

When commenting, please respect others. Be polite to all the members of our community, including other commenters, authors and the subjects of articles. We believe strongly that the Zoutnet group of websites should be a safe and welcoming space for all individuals, groups and their ideas. As such, any rudeness, insults, hate speech, hostility, or language that incites racism or unfair discrimination may be removed and you may lose your ability to comment. 

Die groepie fietsryers wat by Beitbrug weggespring het, afgeneem net noord van Musina.

 

Die Louis Trichardt fietsryers en hul ondersteuningspan, afgeneem kort ná hulle in Polokwane aangekom het.

Catò de Bruin en Wim Botha (76) het vanjaar hul derde Brug-na-Berg rit voltooi. Hulle het deel gevorm van die groep wat van Louis Trichardt na Polokwane gery het.

 
 

Email:

Recent Articles